2014 jylǵy 19 qyrkúıek, Astana qalasy
Qazaqstan Respýblıkasynyń Dopıngke qarsy qaǵıdalaryn bekitý týraly
«Dene shynyqtyrý jáne sport týraly» Qazaqstan Respýblıkasynyń 2014 jylǵy 3 shildedegi Zańynyń 7 babynyń 10) tarmaqshasyna sáıkes buıyramyn:
1. Qosa berilgen Qazaqstan Respýblıkasynyń Dopıngke qarsy qaǵıdalary bekitilsin.
2. Qazaqstan Respýblıkasy Mádenıet jáne sport mınıstrligi Sport jáne dene shynyqtyrý isteri komıteti (E.B. Qanaǵatov) zańnamada belgilengen tártippen:
1) Qazaqstan Respýblıkasy Ádilet mınıstrligine osy buıryqty memlekettik tirkeýge usynýdy;
2) osy buıryqty Qazaqstan Respýblıkasy Ádilet mınıstrliginde memlekettik tirkeýden ótkennen keıin buqaralyq aqparat quraldarynda jáne «Ádilet» aqparattyq-quqyqtyq júıesinde resmı jarııalaýdy.
3. Osy buıryqtyń oryndalýyn baqylaý Qazaqstan Respýblıkasy Mádenıet jáne sport vıse-mınıstri T.K. Esentaevqa júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr A.MUHAMEDIULY.
Qazaqstan Respýblıkasy Mádenıet jáne sport mınıstriniń
2014 jylǵy 19 qyrkúıekte №18 buıryǵymen bekitildi
Qazaqstan Respýblıkasynyń Dopıngke qarsy qaǵıdalary
1. Jalpy erejeler
1. Qazaqstan Respýblıkasynyń Dopıngke qarsy qaǵıdalary (budan ári – Qaǵıda) sportta dopıngti qoldanýdyń aldyn alý tártibin jáne onymen kúresti aıqyndaıdy.
2. Osy qaǵıdada kelesi uǵymdar qoldanylady:
1) jarys kezeńi - sportshynyń jáne (nemese) janýardyń naqty sporttyq jarystarǵa katysý kezeńi;
2) jarystan tys kezeń – jarystyq kezeńge engizilmegen kezeń.
3. Sport federasııalary osy Qaǵıdada belgilengen talaptarǵa sáıkes dopıngti qoldanýǵa qarsy is-áreket jasaıdy.
4. Dopıngti qoldanýǵa qarsy is-qımylǵa mynadaı dopıngke qarsy is- sharalar kesheni kiredi:
1) dopıng-baqylaýdy júrgizý;
2) «Dene shynyqtyrý jáne sport týraly» 2014 jylǵy 3 shildedegi Qazaqstan Respýblıkasy Zańynyń 44-babynyń 2-tarmaǵynda kózdelgen dopıngke qarsy qaǵıdalardy buzǵany (budan ári - dopıngke qarsy qaǵıdany buzý) úshin sportshylarǵa, jattyqtyrýshylarǵa, dene shynyqtyrý jáne sport salasyndaǵy ózge de mamandarǵa jaýapkershilik belgileý;
3) dopıngti qoldanýdyń aldyn alý;
4) dopıng-baqylaýdy júrgizetin mamandardyń biliktiligin arttyrý:
5) buqaralyq aqparat quraldarynda dopıngke qarsy nasıhat júrgizý;
6) sportta dopıngti boldyrmaýǵa jáne oǵan qarsy kúreske baǵyttalǵan ǵylymı zertteýler júrgizý;
7) sportshylardyń jumysqa qabilettiligin qalpyna keltirý quraldary men ádisterin ázirleý jóninde ǵylymı zertteýler júrgizý;
8) quramyna tyıym salynǵan sýbstansııalardy qosý arqyly dárilik zattar men taǵamdyq qospalardyń sapasyn burmalaǵany, osyndaı dárilik zattar men taǵamdyq qospalardy ótkizgeni úshin, sondaı-aq tyıym salynǵan sýbstansııalardy ázirleý, daıyndaý, paıdalaný tásilderi, ádisteri jáne olardy satyp alý oryndary týraly málimetterdi taratýǵa baǵyttalǵan qyzmet úshin jaýaptylyqty belgileý;
9) dopıng-baqylaý júrgizý sharttaryn buzǵany úshin dene shynyqtyrý sport uıymdarynyń jaýaptylyǵyn belgileý;
10) sportta dopıngti boldyrmaý jáne onymen kúres salasynda halyqaralyq yntymaqtastyqty júzege asyrý,
5. Sporttyq jarystardy uıymdastyrýshylar dopıng-baqylaýdy júrgizý sharttaryn qamtamasyz etedi.
6. Dopıng-baqylaý prosesi testiler ótkizýdi, synamalar alýdy, olardy. saqtaýdy, tasymaldaýdy, synamalardy laboratorııalyq taldaýdy, Ulttyq dopıngke qarsy ortalyqtyń (budan ári - UDQO) tártiptik dopıngke qarsy komıssııasy sheshim qabyldaýdy josparlaýy arqyly júzege asyrylady.
7. Dopıng-baqylaý (testileý) rásimi jarys kezeńinde jáne jarystan tys kezeńde júzege asyrylady.
8. Dopıngti paıdalaný mánine testileý júrgizýdi josparlaý úshin UDQO jarystyq jáne jarystan tys kezeńde testileýge jatatyn sportshylar tizimin (budan ári – Tizim) qalyptastyrady.
9. Tizim sport federasııalarynyń aqparaty boıynsha qurylady jáne testileýdi ótkizýdiń ýaqyty men orny týraly málimetten turady.
10. Sport federasııalarynyń aqparatyna sportshylardyń tegi, aty jáne ákesiniń aty (bar bolsa), sport túrleri. sporttyq jarystardyń ataýy jáne ótetin ýaqyty týraly málimetter kiredi,
11. Tizim sporttyq jarystardy ótkizý kúnine deıin 30 kúntizbelik kúnnen keshiktirmeı qalyptastyrylady, al sport federasııalarynyń aqparaty 60 kúntizbelik kún qalǵanda usynylady,
12. Qalyptastyrylǵan tizim UDQO Internet-resýrsynda ornalasady.
13. Sport federasııasy Tizim UDQO Internet-resýrsynda ornalastyrylǵan kúnnen bastap 5 kúntizbelik kún ishinde sportshylarǵa osy ‘Tizimge engeni týraly habarlaıdy (telefon, kóshirme baılanys, elektrondy poshta nemese tapsyrys hat arqyly).
14. Synamalar alýdy, olardy saqtaýdy, tasymaldaýdy, synamalardy zerthanalyq taldaýdy jáne olardy zertteýdi Dúnıejúzilik dopıngke qarsy agenttik akredıttegen zerthanalar júzege asyrady. Synamalar sporttyq jarystarǵa katysatyn sportshylardan jáne janýarlardan alynady.
15. Sport federasııasy zerthanalyq zertteýlerdi júrgizý úshin testileýdi ótkizýge jáne synamalar alýǵa yqpal etedi.
16. Sportshy ony Tizimge engizgeni týraly habarlama alǵannan keıin synama tapsyrýǵa kelýden bas tartqan, sportshy dáleldi sebepsiz synama tapsyrýǵa kelmegen nemese sportshy synama tapsyrýdan ózgeshe túrde jaltarǵan jaǵdaıda sportshy sporttyq jarystardan shettetiledi. Testileýden jaltarý faktisi dereý UDQO habarlanady.
17. Dopıng qoldaný faktisi anyqtalǵan jaǵdaıda 3 kúntizbelik kún ishinde UDQO ol týraly málimet joldanady.
18. Dopıngke qarsy qaǵıdany buzý boıynsha tyńdalymdar ótkizý úshin UDQO janynan tártiptik dopıngke qarsy komıssııa (budan ári Komıssııa) qurylady.
Komıssııanyń quramyna 5 adam, onyń ishinde Qazaqstan Respýblıkasy
Mádenıet jáne sport mınıstrligi Sport jáne dene shynyqtyrý isteri komıtetiniń (budan ári - Komıtet) ókili, zerthananyń ókili jáne sporttyq mansabyn aıaqtaǵan sportshy kiredi.
Komıssııanyń tóraǵasy Komıtettiń ókili bolyp tabylady.
Komıssııanyń sheshimi kópshilik daýyspen qabyldanady jáne hattamamen rásimdeledi. Daýystar teń bolǵan jaǵdaıda, Komıssııa tóraǵasynyń daýsy sheshýshi bolyp tabylady.
19. Komıssııanyń tyńdalymy dopıngti qoldaný faktisi týraly málimet alyǵan kúnnen bastap 30 kúntizbelik kúnnen keshiktirmeı aıaqtalady.
20. Dopıngke qarsy qaǵıdany buzǵany úshin aıyptalǵan sportshy onyń jazbasha erik bildirýi boıynsha Komıssııanyń otyrysyna qatysady.
23. Komıssııanyń sheshimine appelıasııalyq shaǵym Komıtetke 10 kúntizbelik kún ishinde usynylady.
22. Komıtet Komıssııanyń sheshimine appelıasııalyq shaǵymdy 15 kúntizbelik kún ishinde qaraıdy.
23. Komıssııanyń sportshylardyń, sondaı-aq jattyqtyrýshylardyń, dene shynyqtyrý jáne sport salasyndaǵy ózge de mamandardyń dopıngke qarsy qaǵıdany buzǵany týraly sheshimi osy Qaǵıdanyń 21-tarmaǵynda kórsetilgen merzim aıaqtalǵan jaǵdaıda jáne Komıtettiń appelıasııalyq shaǵymdy qarastyrý nátıjeleri boıynsha sanksııalar qabyldaý úshin sport federasııasyna joldanady.
24. Sport federasııasy Komıssııa sheshiminiń negizinde 5 kúntizbelik kún ishinde sanksııalar. sonyń ishinde sporttyq jarystarǵa qatysatyn sportshylarǵa jáne janýarlarǵa katysty sporttyq jarystan shettetýdi qabyldaıdy jáne bul týraly Komıtetke, UDQO, tıisti sport túri boıynsha Halyqaralyq sport federasııasyna habarlaıdy.
25. Sporttyq jarystardy uıymdastyrýshylar jáne sport federasııalary dopıngti paıdalanýdy boldyrmaý boıynsha nasıhatty júzege asyrady.
26. Dopıng-baqylaý júrgizetin zerthanalar zertteýlerdi júzege asyratyn mamandardyń kásibı bilimin jetildirýdi jáne olardyń biliktiligin arttyrýdy qamtamasyz etedi.
27. Sportta dopıngti boldyrmaýǵa jáne onymen kúreske baǵyttalǵan ǵylymı zertteý sheńberinde ǵylymı almasýlar, master-klastar. trenıngter, ózdiginen bilim alýlar, is-tájirıbede úırenýler (jumys ornynda mashyqtaný) boıynsha is-sharalar ótkiziledi.
28. UDQO halyqaralyq uıymdarmen birge sportshylardyń jumysqa qabilettiligin qalpyna keltirý quraldary men ádisterin ázirleý boıynsha ǵylymı zertteýler júrgizedi.
29. Dene shynyqtyrý-sport uıymdary dopıng-baqylaý júrgizý sharttaryn buzǵany úshin Qazaqstan Respýblıkasynyń zańynda belgilengen jaýapkershilikke tartylady.
Buıryq Qazaqstan Respýblıkasynyń Ádilet mınıstrliginde 2014 jylǵy 21 qazandaǵy Normatıvtik quqyqtyq kesimderdi memlekettik tirkeýdiń tizilimine № 9812 bolyp engizildi.